منوعات

آخر المقالات

منوعات
جاري التحميل ...

فن التعامل مع الصنايعية


فن التعامل مع الصنايعية :
1.متبالغش في المعاملة الكويسه، وكأن قريب حميم أو ضيف عزيز، ف النهاية بيعمل خدمة ويأخذ مقابلا مادي عليها.
2. نبرة صوتك وانت بتكلم صنايعي في التليفون لازم تبقى عالية ..كأنك بتنادي عليه من مكان بعيد .. لو نبرة صوتك ناعمة هيزعلك.
3. بتاع المقطورة اللي بينزلك رملة تلبس له بنطلون بيتي واسع عليه ٣ خطوط بيضا من الجنب، ومتعاص نقط بوهية، وتيشرت قديم قصير بالعافية جايب كامر البنطلون.
هاتلبس رسمي قميص وبنطلون هايجيبلك رملة بيضا مش صفرا، ومن الشونة مش من المحجر.
4. قولهم الله ينور
5. دخان الصنايعي معناها فلوس إضافية، مش لأنه عمل حاجة زيادة غير اللي انتو متفقين عليها، انتو اتفقتوا على فلوس، إنما هو عايز دخان مش فلوس! اللي هي فلوس مش دخان.
6. من حقك تبقي حازم ف شغلك و متقبلش اي غلط.. لكن مش من انك تغلط ف اي صنايعني او تحاو تتكبر عليه.
7. النقّاش دايماً فاكر انه مش هيبهدل السيراميك، ودايماً بيهدل السيراميك، فحط شرط في اختيار النقاش انك تحط كرتونة أو شكاير فاضية أو مشمع عالأرض، واللي يوافق عالشرط هو اللي يشتغل معاك.
8. الله ينور يارجاله
9. في صنايعية بيجيبوا معاهم عيال في رابعة ابتدائي عشان يشخطوا فيهم قدامك ويثبتولك انهم معلمين، لأ دول مش معلمين ولا حاجة ..
المعلمين الصح هما اللي بيشخطوا في عيال في تانية إعدادي وانت طالع.
10. الكلام ببلاش ..الله ينور يا افنديه
11. لومش عايز كل شوية تروح تسحب فلوس من الماكنة، سيب الفيزا مع الصنايعية وعرفهم الرقم السري.
12. سيب معاهم فيزتين : فيزا المرتب، وفيزا الدخان.
13. الصنايعني ياخد حسابه كامل بعد ما يخلص كل شغله ... ف أسر مستينه الفلوس دي.
14. الله ينور يا حضرات
15. هتقابل صنايعيه كويسن خد ارقامهم و خليها معاك هتحتاجها والله.
16.الصنايعي اللي بيرد عليك من تاني مرة هايطلعلك شغل أحسن من اللي بيرد عليك من أول مرة.
17. حاول متخليش الصنايعي يشغل دماغه حتي لو كان شاطر..المركب اللي ليها رئيسين بتغرق.
18. اسمع للصنايعي و شوف رأيه لو اقتنعت ب رأيه نفذه ...فيه صنايعيه كتير بتفهم خبرة كبيرة ف مجالها.
19.الله ينور يا رجاله
20.استلم من الصنايعيه بنفسك اول باول علشان متتكروتش، او هات مهندس يستلم منهم.

التعليقات



إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

إتصل بنا

موقع ملوك الطبخ

موقع ملوك الطبخ يقدم أشهى وأسهل وصفات الطبخ من جميع وصفات طبخ سريعة و شهية الاصناف . سواء الاطباق الرئيسية او الحلويات الغربية والشرقية وغيرها

Follow by Email