منوعات

آخر المقالات

منوعات
جاري التحميل ...

الوقوف في وش المخطئ


الوقوف في وش المخطئ

لما بيحصل خدش في ايد الانسان. بيجيب لاصقه طبية ويغطي الخدش. وبعد يومين بيشيل اللاصقة. وبيلاقي الخدش اختفي.
لكن
 لو اتكرر الخدش ده مره واتنين وتلاته في نفس المكان. بيتحول لجرح عميق. وماينفعش معاه اللاصقة. لازم تعالجه علاج كامل وماينفعش تحط لاصقة طبيه. لانه هايعمل ( صديد ). وتبقي مشكلة.
كذلك الحال  ⤵
لما تكون بتحل مشكلة بين اتنين متخاصمين. ( او بينك وبين حد ).
معظم الناس بتعمل كده  ⤵
خلاص ياجماعه حقكو عليا انا. ومعلش كانت ساعة غضب وخلاص.
 ويلا ننسي اللي فات. ونبدأ صفحه جديدة. قومو يلا سلمو على بعض.
وده بالظبط كأنك حطيت لاصقة طبيه
 الأسلوب ده في حل الخلافات. بينفع في حالة واحده بس. لما يكون ده مجرد خدش ودي اول مشكلة من نوعها او تاني مره مثلا.
لكن في حالة تكرار المشكلة كتير. يبقي الطريقة دي ماهي الا ( مُسَكِّن ) فقط. ومضاعفاتها بتبقي خطيرة في المستقبل.
الطريقة الصحيحة ⤵
 ※ اول حاجه لازم تحطها في دماغك. ان لازم واحد من الطرفين هايزعل منك. ف ياإما تبقي اد حل النزاع. يا اما ماتتدخلش اصلا.
⬅ في حالة تكرار المشكلة يبقي لازم تحط النقط على الحروف وتعالج الجرح.
⬅ شوف فين اصل المشكلة. واللي غلطان تقوله في وشه انت غلطان.
⬅ لازم تِفَوَّق الشخص الغلطان. وتوقفه عند حده.
⬅ اوعي ( تِمَيَّع ) الكلام. وتتوه الظالم في المظلوم. اوعي.
⬅ اكيد فيه طرف غلطان. وهايزعل منك عشان انت قولت له انت غلطان. ولما ده يحصل قوله ( إخبط دماغك في أكبر حيطة ).
⬅ اللي غلط اكتر يعتذر اكتر. سواء كان كبير او صغير. راجل او ست.
الحق أحق أن يُتَّبَع. في الخلافات الكل لازم يبقي سواسيه ادامك.
⬅ طالما انت متأكد انه غلطان. يبقاش لازم تبقي صلب في وشه.
⬅ خليك واقف مع الحق. مهما كانت العواقب. خليك صلب  💪

✔ الوقوف في وش المخطئ في المواقف الصغيره دي. هو اللي هايعلمك ازاي تقف في وش الظالم في المواقف الكبيرة

التعليقات



إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

إتصل بنا

موقع ملوك الطبخ

موقع ملوك الطبخ يقدم أشهى وأسهل وصفات الطبخ من جميع وصفات طبخ سريعة و شهية الاصناف . سواء الاطباق الرئيسية او الحلويات الغربية والشرقية وغيرها

Follow by Email