اخبار التكنولوجياالتكنولوجياالمعلوماتمفالاتمقالاتمنوعات
طريقة تجديد بطاقة الرقم القومي المصري أونلاين
طريقة تجديد بطاقة الرقم القومي المصري أونلاين
"التحول الرقمي" من ضمن خطط وأولويات الدولة خلال الفترة الحالية وده انعكس على كل الخدمات الحكومية اللي بتقدمها الحكومة للمواطنين .
يعني لو اتكلمنا على قطاع الأحوال المدنية هانلاقي مثلاً تم إنشاء 29 وحدة سجل مدني جديدة ، مع تطوير شامل لـ 80 مقر للأحوال المدنية من حيث الإنشاءات والأجهزة وأماكن الانتظار كمرحلة أولى.
وده كله هايقضى على طوابير استخراج الشهادات والوثائق الحكومية .
طيب لو حضرتك عاوز تجدد بطاقتك أو تطلع بدل تالف "أونلاين" .. تعمل إيه ؟🤔
بص ياسيدي .. احنا لخصنا الاجراءات اللي المفروض تعملها في 8 خطوات :
1- الدخول على موقع الحكومة الإلكترونية من خلال الرابط ده :
2- وبعدين تضغط على "خدمات المواطنين" ، واختيار قائمة "الموضوعات" ، ثم اختيار "بطاقة جديدة" أو "تجديد" لبطاقة الرقم القومي .
هاتظهر لك صفحة البيانات اللي يجب ملؤها من خلال خطوات متسلسلة .
3- وبعدها اختيار بطاقة الرقم القومي .
4- ادخل بيانات الطلبات وهى بيانات الإسم وإسم الأم والوظيفة .
5- وبعدها ادخال بيانات مقدم الطلب وفيها تظهر نوع الوثيقة إذا كانت بدل فاقد أو بدل تالف أو تجديد بطاقة أو تغيير بيانات .
6- وبعدها ادخال بيانات مقدم الطلب وهى الاسم والرقم القومي واسم الأم والبريد الإلكتروني ورقم الهاتف المحمول والمنزل والعمل ورقم الشقة ورقم الدور ورقم المنزل واسم الشارع والرقم البريدي والمحافظة .
7- وبعدها اختيار نظام الدفع .
8- وبذلك عليك الاختيار إما الدفع عند الاستلام أو الدفع الإلكتروني .
وبعدها هاتستلم بطاقتك في المنزل خلال مدة لا تتجاوز 72 ساعة فقط .
⛔️ ملحوظة : عرفنا إن نظام تجديد البطاقات بقى بيستلزم دلوقتى تجديد صور البطاقة في كل مرة .. بنحاول نتأكد من المعلومة دي ، وهانشوف بيتغلبوا عليها ازاي في موضوع استخراج البطاقات "أونلاين" .
